La Tour Eiffel (2009 LEGO HK MOC 比賽 參賽作品)

2009年LEGOHK 再又一次舉辦拼砌比賽，今次是無限制的自由題，作品大小32x32尺寸之間任你發揮想像空間。
我自已其實好怕設計，好的創意設計不是話來就來，有時幾個星期都可以原地踏步。

本來想用一早便完成了的迷你鳥巢去參賽，但最後幾天心血來潮想再搞搞新意思，
於是用了大量剛從DK legoland買回來的望遠鏡部件去拼出艾菲爾鐵塔出來。
這是繼迷你鳥巢之後，另一個玩轉傳統拼砌概念的續章。　

廢話講了一大堆，此鐵塔(希望你還辨認得出吧）只用了二日去完成，　所以在我而言我已經好滿意啦。
不如我暫且不講個中砌塔秘方，留待大家看看研究再分享.












更多的相片，請到chiukeung的brickshelf gallery:
http://www.brickshelf.com/cgi-bin/gallery.cgi?f=393680

以下是本作參賽文章，原文收錄，一字不漏
======================================
作品名稱：La Tour Eiffel
創作靈念源自一次巴黎之旅，能夠親身參觀世界聞名的艾菲爾鐵塔，
霋時被它雄偉的外型深深吸引，所以想製作此模型送給太太作紀念。

艾菲爾鐵塔塔高324公尺，是居斯塔夫· 艾菲爾為1889年的萬國博覽會，
同時也是為了慶祝法國大革命一百周年而建造的。

本作品以1/800的比例去重塑鐵塔的外觀和周圍的地型。
最特別之處是用了大量微型的LEGO顆粒去表現鐵塔的鋼結構同時亦合乎macro-scale的體積，
比例和像真度是本作的最大挑戰。


後記：
2009 LEGO MOC比賽結果於8月3日在動漫電玩節會場中公報,本作僥幸得到季軍,
深感意外又興奮，另恭賀其他三甲HKLUG兄弟，fvin,T,antony,rex！

超迷你鳥巢 - 再一次挑戰microscale極限

說回此作, 雖然京奧已經過了差不多一年,希望大家還認得北京國家體育場(即俗稱鳥巢).

這次是一個自我microscale的極限挑戰,玩microscale是對自我拼砌技術磨練的一個極住方式, 亦可以引發更多拼砌概念同可能性.個人建議大家作多多嘗試.

本迷你作品大小不超過32x32 (其實鳥巢主體只有24x18).
大部份可以動用的LEGO迷你部件都會研究過用來築巢,無奈只有小量部件適用. 細心的你一定可以睇出鳥巢外在支架用了大量 T-bar 和 technic half pin互相緊扣的設計.塑造出富曲線感覺的形態.

當然不可能要求百分百一樣,至在神似. 不過運動場同看台都無馬虎架.
大家又覺得如何呢? 希望喜歡啦.

還有更多其他相,可到chiukeung 的brickshelf gallery
http://www.brickshelf.com/cgi-bin/gallery.cgi?f=393228

Mini 10185 Green Grocer by Chiukeung

Hello,
I would like to present my new creation - Mini 10185 Green Grocer, which uses over 450 LEGO® pcs and took two weeks to build.

welcome to give my some comments. :)
Enjoys,

Chiukeung

迷你尖沙咀鐘樓

本來想盡善盡美先出街,無奈某D色件真係好難好難揾,訂又唔係一時三刻可到手, 唯有將就下用1x4 Plate Dark Orange代替Tile,係就係有stud露出黎, 他日Tile到手咁個鐘樓就四面平平滑滑啦。個鐘樓前前後後搞左好耐,左搭右搭先拼到而家咁可以收埋哂Dstud位。用色自己堅持用番近似實物既Tan同dark orange, 兩種件真係好難搵同好貴 不過效果一定係最好既，兩色拼埋已經好有神韻啦。另外個水池都搞左一兩晚,幫佢同條池邊搞offset又要藏番落地台真係好煩，仲有次次砌親mini都唔鍾意砌個地台, 但偏偏砌既時間仲要多個個主體。最重要多謝史生幫手揾件，今次你仲唔頂癮頂到頂點 　快Ｄ到你出手啦

迷你凌霄閣

Microscale 新作, Peak Tower - 凌霄閣.同史奈達既無得比, 不過勝在夠過癮,地台曾多次更改大細, 8x16,16x16, 16x12, 到而家既 16x10.三日前無啦啦攞起幾粒白色1x3,1x2 slope就出事啦,用左一晚已經有個凌霄閣外型,本來星期五晚應承史生話即晚有野睇,但都係要延遲多一晚, 黎砌好個路面同個山坡.資料搜集時先知道,原來2005年後凌霄閣進行過翻新工程,外觀同以前有少少唔同, 我呢個係參考新版而砌既.

迷你中環天星碼頭

上次寫到仲有個別注版本, 就係中環天星碼頭, 同小輪係同一比例, 大小為16x16,
呢件作品係想表現一幅以天星瑪頭鐘樓為主體既插畫
為加強效果,特意砌出一個大比例既鐘樓以作對比.
作品趕及聚會中展出, 蕉強花點心思 砌左個菲林框,擺放好最住距離,讓朋友們可拍攝出最有格調既相.
唔知當日有幾多人了解蕉強既心意呢? :)

大比例既鐘樓

分享鐘樓內部組合結構

舊中環天星碼頭(正確係第三代)及鐘樓已經於去年底被拆卸,
大家只可以借相片勉懷過去, 或者不妨亦親手砌番件作為紀念.

迷你天星小輪

其實我最喜愛既係呢隻 迷你天星小輪, (我希望呢件作品得大獎多過mini building架)係聚會前幾日突然有念頭,(其實係回應史奈達出既對聯 ) 本來個比例係再細一半, 但砌砌下發覺咁樣個效果會更好, 於是索性砌大佢啦. 隻小輪會更像真.其實個船底有更好既砌法, 但礙於綠色modified件不夠而退而求其次. 如果大家有興趣既, 我樂意分享其拼砌方法,希望大家喜歡!!

迷你 Modular Building

上兩個月出產左好多機械人作品, 期間腦力過份透支,大戰過後久久未能振作過黎,
唯有改變題材, 近期愛上拼砌迷你建築物, Vignette 始終都係日本人做得好, 早排到brickshelf遊歷時
見到一位會員MUMU 拼砌個 MINI 10182, 十分喜歡,蕉強亦跟佢,估下又改下之下clone左隻出黎.
蕉強無意扮大師,亦唔係人仔倉"新小朋友會員", 所以先旨聲明唔係我原創既.
呢個係MUMU既連結,有興趣可以瀏覽 http://www.brickshelf.com/cgi-bin/gallery.cgi?f=251400
雖然mini 10182 係參考人家既,但都改左唔少位(其實講穿左,只係唔夠人地咁多件啫)

10182: Cafe' Corner

除左cafe' corner既砌法之外, 蕉強真真正正落手拼砌另外幾個建築物模型,
係10182 說明書中既alternative, 蕉強當然唔會放過啦, 咁先好玩o麻.

10182: alternative model

另外一款係10190,相信好多朋友都期待緊佢, 你地覺得似唔似呢?
10190: Market Street

同樣用8x8大小自創既作品,
Mansion

用呢類既砌法真係十分好玩, 屋與屋之間仲可以左拼右拼,效果一流.
不過缺點係會迅速消耗你屋企既Mini parts.
如果有多d朋友一齊砌埋個mini 城一定好靚.
(後記: 如果唔係史奈達撩人的話,我都唔會花星期六日一既時間去起樓)